Türkiyənin Yalova şəhərində qadın ayrıldığı həyat yoldaşı tərəfindən yolun ortasında öldürülüb.

ANS PRESS-in məlumatına görə, 31 yaşlı Seda Camgöz uzun müddətdir boşandığı əri Bülent Diler tərəfindən təqib edilirmiş. Qadını telefonla zəngləri ilə narahat edən keçmiş ər, sonunda onu tuta bilib.

Seda Camgöz səhər saatlarında yürüşə çıxarkən yolunu kəsib. Qəzəbli kişi özü ilə gətirdiyi bıçaqla qadına çoxsayda zərbələr endirib. Qadının köməyinə yaxınlıqdakı dükanın sahibi yetişib.

İki uşaq anası təcili tibbi yardımla xəstəxanaya aparılsa da, artıq gec olub. Gənc qadın qanaxmadan dünyasını dəyişib.

Bu arada cinayətkar avtomobilinə minərək aradan çıxmaq istəyib. Polislərin cəldliyi nəticəsində saxlanılır.

Seda Camgözün cəsədi müayinə edilərkən, vücudunda 20 bıçaq yarası olduğu ortaya çıxıb