"Qəbələ Nohurgöldə "Sahil" restoranında əyləşib yemək və ya çay istədikdə öncə menyu ilə tanış olun şişirdilmiş qiymət gördükdə deyin sizə ikinci menyunu versinlər ..." "DİA-AZ" xəbər verir ki, bu barədə "Müştəriyəm Şikayətim var" sosial qrupundakı paylaşımda giley olunur.
Narazı vətəndaş daha sonra bildirir:
"Ortada iki menyu var. İlk öncə qiymət baha olan menyunu təklif edirlər ki, qiymətlərə deyinsəniz "gözləyin səhv menyu vermişəm" deyib eyni formada fərqli qiymətli menyu təqdim edirlər.
Sifariş etdiyiniz yemək masaya gələndə mütləq baxın odurmu. Məsələn sac demisiz həmin gün kartof badımcan pomidor və ya ət qurtarıbsa, saca onu qoymurlar. Yarpaq doıması deyirsiniz, yarpaq qurtarıbsa, həmin gün sizə sadəcə yumru-yumru ət verəcəklər... Özləri qeyd edir ki "hə də belə olur... nəsə qurtaranda qoymuruq..."
Ev kampotu istəsniz sadəcə mağazadan alınanı qrafinkaya töküb 3 qat... 4 qat baha qiymətə ev kompotu adıyla verəcəklər....
Yekun hesabı istədikdə də mütləq orda yazılanlara baxın, siz badımcan kababı yediyiniz halda antrikot vurub onun qiymətini ala bilərlər. Niyə belə etmisiniz, deyəndə, əşi, onsuz da eyni qiymətdir deyirlər.... Qiymətin eyni olmadığını gözünə soxandan sonra da deyir yox sistemə vuranda üstünə əlavə servis haqqı gəlir. Halbuki servis haqqı yekun hesabda əlavə qeyd edilib 10% (hərçənd bu bir çox restoranlarda menyunun aşağısında qeyd edilib... bunlarda yox, amma).
Yeməkləri də dadlı deyil, çünki sizin yediyiniz düşündüyünüz yeməklərdə nəsə çatmır orda.
Şəxsi təcrübəmdən və müşahidələrimdən real olanı qeyd etmişəm.
Digər restoranları yoxlamağınız məsləhətdir..."