İstanbulda ailəli tələbə qadın vəzifəli iş adamlarını şantaj edərək onlardan külli miqdarda pul alıb.

A24.Az xəbər verir ki, 26 yaşlı Hatice 6 ay əvvəl evləndiyi 43 yaşlı əri ilə əlbir olaraq bu yola baş vurub. Gənc qadın internetdə tanış olduğu varlı kişiləri aldadaraq onları evinə çağırıb.

Evdə baş tutan görüş zamanı görüntülər gizli kamera ilə qeydə alınıb. Cütlük iş adamlarının çılpaq görüntülərini yaymaqla hədələyərək həmin şəxslərdən pul alıblar. Sözügedən hadisənin üstü şantaj qurbanı olan iş adamı tərəfindən açılıb.

Şantaja boyun əyməyib polisə gedən biznesmen bildirib ki, qadınla 4-5 dəfə cinsi əlaqədə olub. Sonuncu dəfə isə tələbə qadın ona zəng edərək 160 min avro və İspaniyada bir mülk istədiyini bildirib.

Qadın ona bildirib ki, əgər dediklərimi etməsən çılpaq görüntülərini ailəsinə göndərib sosial şəbəkələrdə yayımlayacaq. Polisin apardığı araşdırma nəticəsində ər-arvad ələ keçirilib. Onları 39 ilə qədər həbs cəzası gözləyir.