Minsk və Moskva Belarus ərazisinə nüvə silahının qaytarılması barədə danışıq aparmır.

Bu barədə Federasiya Şurası Beynəlxalq məsələlər komitəsi sədrinin birinci müavini Vladimir Cabarov bəyan edib.

«Lukaşenko artıq təklif edib ki, ehtiyac olarsa Belarusun ərazisində Rusiyanın nüvə gücləri yerləşdirilsin. Ancaq mənə məlum olan qədərində söhbət bundan o tərəfə çatmayıb, danışıq yoxdur» - o, ABŞ Dövlət Departamentinin bugünlərdə yaydığı bəyanatı (Belarus ərazisində nüvə silahı yerləşdirilməsi imkanları barədə) şərh edərkən deyib.

Onun sözlərinə görə, Amerika tərəfdən səsləndirilən təklif «əzələ oynatmaqdan» başqa bir şey deyil. Bu zaman Cabarov qeyd edib ki, Rusiya və Belarus - bunlar tam müstəqil dövlətlərdir ki, öz təhlükəsizliklərini təmin etmək üçün müstəqil qərar qəbul etmək hüququna malikdirlər.

«Mən, hesab edirəm ki, Dövlət Departamentinin bu bəyanatı sadəcə, söz güləşdirməkdir. Biz, öz təkliflərimizə (təhlükəsizlik qarantiyasına dair) cavab gözləyirik, qalanı ikinci dərəcəlidir» - deputat bildirib.

Xatırladırıq, bundan əvvəl ABŞ Dövlət Departamenti bəyan edib ki, Belarusun konstitusiyasına edilmiş dəyişiklik bu respublikanın ərazisində Rusiyanın nüvə silahının yerləşdirilməsinə gətirib çıxardacaq.