ABŞ Prezidenti Co Bayden və onun Demokrat müttəfiqləri ikinci rübdə seçki kampaniyası çərçivəsində 264 milyon dollar ianə toplayıb.

"AzPolitika” xəbər verir ki, bu məbləğ Baydenin Trampla o qədər də qənaətbəxş hesab olunmayan debatından sonra nüfuzunun aşağı düşməsi fonunda yaxşı nəticə kimi qəbul olunub.

Məlumata görə, bu məbləğin 127 milyon dolları iyun ayında toplanıb. Bildirilir ki, ikinci rübdə ianələrin 95%-i 200 dolların altında olub. Bu, kampaniyanın orta amerikalılar tərəfindən geniş dəstəyə malik olduğunu və imkanlı şəxslərin Baydenə həddən artıq etibar etmədiyinin göstəricisidir.

Sözügedən vəsaitin noyabrda baş tutacaq prezident seçkiləri zamanı 200-dən çox ofis və 1000-dən çox işçi üçün xərclənəcəyi deyilir.