İtaliya hökuməti Almaniyanın Rheinmetall şirkətindən təxminən 20 milyard avroya 200-dən çox Panther tankı və ən azı 350 Lynx piyada döyüş maşını alır.

Bu barədə Handelsblatt məlumatlı mənbələrə istinadən məlumat yayıb.

Tərəflər yekun razılığa gələrsə, bu saziş Rheinmetall tarixində ən böyük sifariş olacaq. Təchizatların 15 il davam edəcəyi gözlənilir, lakin müqavilə hələ yekunlaşmayıb.

Əvvəllər İtaliya KNDS Deutschland-dan Leopard 2A8 tankları almağı planlaşdırırdı, lakin sövdələşmə üzrə danışıqlar nəticəsiz başa çatdı.\\Musavat.com