Rusiyalı araşdırmaçılar Arktikada faşistlərin İkinci Dünya müharibəsindən qalma gizli bazasını aşkar ediblər.

Bu, indiyə qədər məlum olmayan metereoloji bazadır. BakıPost.az The Dailu Express dərgisinə istinadən xəbər verir ki, Aleksandrda, Frans-İosif Torpağı arxipelağına aid olan adada aşkar edilən bazada bunkerlərin hissələri, sənədlər və digər materiallar qorunub. Alimlər adada yanacaq qabları, gilizlər, çadır qalıqları və şəxsi məqsədlər üçün lazım olan əşyalar tapıblar.

Belə hesab edilir ki, 1942-ci ildə burada Hitlerin tapşırığı ilə meteostansiya tikilib. 1944-cü ildə bazada işləyənlərdən biri ağ ayı ətindən hazırlanmış yeməkdən ağır şəkildə zəhərləndikdən sonra bura tərk olunub.

Bu sirli yer həm də Şatzgraber və ya "Dəfinəaxtaranlar" kimi də tanınır. Əvvəllər alimlər bu yer barədə yalnız yazılı mənbələrdən oxumuşdular. İndi real sübutlarla məlum olub ki, bura faşistlərin bazası imiş.