Türkiyə müdafiə naziri Fikri İşıq Brüsseldə amerikalı və fransalı həmkarları ilə görüşüb.

“Anadolu” agentliyinin məlumatına görə, mətbuata qapalı olan və bir saat davam edən görüşdə İŞİD terror təşkilatına qarşı İraqın Mosul şəhərində və Suriyada həyata keçirilən hərbi əməliyyatlar müzakirə olunub.

Görüşdən öncə mətbuata açıqlama verən nazirlər İŞİD-ə qarşı əməliyyatların gündəmdə olduğunu qeyd ediblər.


Türkiyənin “Hürriyət” qəzetinin hərbi və diplomatik mənbələrə istinadən yaydığı məlumata görə, nazirlər razılığa gəliblər ki, Mosul və Raqqa şəhərləri İŞİD silahlılarından təmizləndikdən sonra idarəetmə yerli administrasiya rəhbərlərinə keçəcək.

(apa)