ABŞ-ın gələcək vitse-prezidenti Mayk Pens təsdiq edib ki, biznesmen və keçmiş prezidentliyə namizəd Mit Romninin dövlət katibi postuna namizədliyi nəzərdən keçirilir.

Şənbə günü Donald Tramp seçki kompaniyası dövründə onun tənqidçisi olmuş Mit Romni ilə görüşmüşdü. Nə Pens, nə də Tramp söhbətin məğzi barədə məlumat verməmişdi. Romni söhbəti konstruktiv adlandırmışdı.


“Onlar yaxşı görüş keçirdilər. Səmimi və mənalı söhbət alındı. Bilirəm ki, Romni dövlət katibi postu üçün aktiv şəkildə nəzərdən keçirilir”, – Mayk Pens Foks Nyusa intervyusunda deyib.

Mit Romni 2012-ci ildə ABŞ prezidentliyi postuna respublikaçıların namizədi olmuşdu.