NASA-nın “Spirit” kosmik gəmisi hələ 2007-ci ildə Marsda həyatın olması ilə bağlı dəlillər aşkar edibmiş.

Axar.az xəbər verir ki, o dövrdə çəkilən fotoşəkillərdə bəzi qaya fiqurlarının mikroorqanizmlər tərəfindən deformasiyaya uğradığı əks olunub.

Qusev krateri yaxınlığında torpaq, daş və tozdan ibarət reqolit təbəqəsi və qayalıqlarda böyük ehtimalla bio izlərin olduğu təxmin edilir. Mütəxəssislər bu qayaların arasında Yer kürəsində olduğu kimi, birhüceyrəlilərin yaratdığı stromatolit adlı təbəqənin aşkar ediləcəyi qənaətindədir.

Yalnız Qərbi Avstraliya və Çilidəki El Tatio qeyzerində tapılan stromatolitlərdə dünyadakı ilk canlılar yaranıb.