Ermənistanda qızıl mədənində atışma olub.

“AzVision.az “News.am”-a istinadən xəbər verir ki, gecə baş verən silahlı qarşıdurma zamanı təhlükəsizlik xidmətinin bir əməkdaşı yaralanıb.

Məlumata əsasən, bir neçə şəxs gecəyarısı “Geo Pro Maining Gold” şirkətinə məxsus mədənin ərazisinə girməyə cəhd göstərib. Mühafizəçilər onların qarşısını ala bilib. Bu zaman naməlum şəxslərdən birinin atəş açması nəticəsində mühafizəçilərdən biri ayağından yaralanıb.

Polis silahlı basqını törədən şəxslərdən birini həbs edib. Həmin şəxs 31 yaşlı Vardenis sakinidir. Ermənistan polisi digər şəxslərin axtarışı üzrə əməliyyatları davam etdirir.
Faktla bağlı araşdırma aparılır.