Son vaxtlar bəzi şərhçilər Rusiyanın işğalçı diktatoru V.Putinlə anlaşmağa çalışan ABŞ-nin prezidenti Donlad Trampın guya artıq Güney Qafqazda da Rusiyanın yeganə dominant güc olmasına imkan verəcək.

Bəs görəsən, hazırkı geo-siyasi gerçəklikdə bu gedişin mümkünlüyü nə dərəcədə realdır?

Siyasi təhlükəsizlik məsələləri üzrə ekspert Ərəstun Oruclu mövzu ilə bağlı Moderator.az-a açıqlamasında konkret danışıb:

“Mən düşünmürəm ki, bu saat Donald Trampı və onun komandasını ümumiyyətlə, Güney Qafqaz maraqlandırır. Bu gün Cənubi Qafqazı Rusiyadan qoruya biləcək, onun tam şəkildə təsiri altına düşməsinin qarşısını ala biləcək yeganə ölkə, güc Türkiyədir. Avropanın bu işə əli çatmır, Tramp, yenə deyirəm, istər özü, istərsə də administrasiyası bu bölgə ilə maraqlanan deyil. Bu gün belə görünür ki, ən azı, yaxın bir neçə il ərzində Cənubi Qafqaz uğrunda mübarizə Türkiyə, Rusiya və Çin üçlüyü arasında gedəcəkdir. İran da var orada, amma əsas mübarizə dediyim üçlük arasında baş verəcək. İndi həmin mübarizədə kim daha çevik addımlar atacaq, kim ortaya daha çevik təsir vasitələri qoyacaqsa, təbii ki, o da qalib gələcəkdir...

Konkret Azərbaycanın isə Avropaya yolu görünmür. Çox təəssüf ki, Azərbaycanda daha çox artan Rusiya təsiridir. “Rus evi” və s. kimi məsələlər bu təsiri azalda biləcək ciddi məsələlər deyil. Təbii ki, 2025-ci ilin dekabrında Rusiyanın səbəb olduğu Azərbaycana məxsus təyyarənin faciəli qəzasıyla bağlı rəsmi Moskva ilə ziddiyyətlər olub, var və qalmaqdadır. Amma bu, Rusiyanın hələ də Azərbaycandan əl çəkməsinə dəlalət etmir...”