Britaniya kral ailəsinin unudulmaz siması, "Xalqın şahzadəsi" adlandırılan Şahzadə Diana haqqında illər keçsə də danışılmağa davam edilir.
Onun son dəfə kameraya baxışı sosial şəbəkələrdə müzakirə mövzusu olub.
Həmin kadrda Diananın üzündə kədərli, amma bir o qədər də dərin bir ifadə olduğu görünür. İzləyicilər bu baxışın sanki hər şeydən xəbərdar olan, gələcəyi hiss edən bir qadının baxışı olduğunu qeyd edirlər. Bir çoxları bu baxışın təsadüfi olmadığını, onun həyatındakı gərginliklərin və təzyiqlərin əks olunduğunu düşünür.

Xatırladaq ki, Şahzadə Diana 31 avqust 1997-ci ildə Parisdə baş vermiş avtomobil qəzasında dünyasını dəyişib. Rəsmi versiyaya görə, qəza sürücünün yüksək sürətlə avtomobili idarə etməsi və idarəetməni itirməsi nəticəsində baş verib.