Sumqayıtda koronavirus xəstələrinin sayı kəskin artdı: - artıq 4 rəqəmlidir...
4-07-2020, 09:56
Sumqayıtda aktiv koronavirus xəstələrinin sayı məlum olub. Xeberle.com-un məlumatına görə, hazırda Sumqayıtda COVİD 19 testi pozitiv çıxaraq müalicə prosesinə cəlb edilmiş xəstələrin sayı 1200-ü ötüb. Bu xəstələrdən 225 nəfəri izolyasiya olunaraq evdə, digərləri isə xəstəxanalarda müalicələrini davam etdirirlər. Qeyd edək ki, dünən Nazirlər Kabineti yanında Operativ Qərargahın keçirdiyi brifinqdə TƏBİB-in İdarə Heyətinin sədri Ramin Bayramlı Bakıdan sonra Sumqayıtda daha çox yoluxma faktının qeydə alındığı bildirib. O, Sumqayıtda yoluxmanın Azərbaycanda olan ümumi aktiv xəstələrin 15 faizini təşkil etdiyini qeyd edib. İyulun 3-ə olan aktiv xəstə sayı isə 8212 nəfər təşkil edir ki, 15 faizi də 1231 nəfər edir.