Biharda fırıldaqçılar əsl polis rəisinin evinin 500 metrliyində saxta polis bölməsi yaradıblar.

Bölmə səkkiz ay fəaliyyət göstərib. Bütün bu müddət ərzində cinayətkarlar hərbi geyimdə, silah və döş nişanlarında olub, əsl asayiş keşikçisinin diqqətini çəkənə qədər şəhər əhalisindən rüşvət tələb ediblər.

Bölmə hotelin ərazisində yerləşib. Fırıldaqçılar işlərə və şikayətlərə baxılması üçün qonaqlardan və adi vətəndaşlardan pul alır, həmçinin mənzil və iş məsələsində köməklik göstərəcəklərini vəd edərək hindlilərdən rüşvət yığıblar.

Fırıldağın üstü şübhəli “həmkarları” görən əsl polis tərəfindən açılıb. Belə ki, onlarda xidməti silah əvəzinə yerli sexdə hazırlanmış tapançalar olub.

Artıq ikisi qadın olmaqla, dəstənin altı üzvü saxlanılıb. Qrupun rəhbəri isə hələ də azadlıqdadır.

Mənbə: knife.media