MAQATE Zaporojye AES-ə missiya göndərdi
31-08-2022, 08:32
Beynəlxalq Atom Enerjisi Agentliyinin avtomobil karvanı Zaporijjya AES istiqamətində yola düşüb.
Bu barədə Publika.az "Reuters"ə istinadla xəbər verir .
Qeyd olunur ki, missiya üzvləri Kiyevi tərk ediblər.
Xatırladaq ki , MAQATE missiyasının Zaporojye AES-ə gəlişi avqustun 31-də gözlənilirdi .
Ukrayna Prezident Aparatı rusların ekspertlərin AES-ə getməli olduğu dəhlizləri atəşə tutduğunu bildirdi .
Prezident Aparatının rəhbəri Andriy Yermak qeyd edib ki, işğalçılar MAQATE missiyasının Zaporojye AES-ə səfərini pozmağa cəhd etmək üçün Enerqodarda hərbi əməliyyatları simulyasiya edirlər .
Qeyd edək ki , MAQATE missiyası AES ətrafında vəziyyətin gərginləşməsi fonunda Enerqodara gedir. Beynəlxalq müfəttişlərdən ibarət qrup bu həftə atom elektrik stansiyasında işə başlayacaq.
Hüseyn İbadlı
