Türkiyə Kubokunun yarımfinal oyununda "Trabzonspor" doğma azarkeşləri önündə "Göztəpə"ni 2-0 hesabı ilə məğlub edərək finala adını yazdırıb.

Oxu.Az xəbər verir ki, "Papara Park"da keçirilən görüşün birinci hissəsi qolsuz başa çatıb. "Trabzonspor" yalnız 78-ci dəqiqədə hesabı açıb. Ozan Tufan klassik vuruşla meydan sahiblərini önə keçirib. 89-cu dəqiqədə isə Zubkov fərqi artırıb.

Bu nəticə ilə qaradənizlilər Türkiyə Kubokunda finala yüksələrək həlledici oyunda əzəli rəqibi "Qalatasaray"la qarşılaşacaqlar.

Kubok finalı 14 may çərşənbə günü keçiriləcək.