“Taliban”ın Hindistanla yaxınlaşmasının əlaməti olaraq, Kabil rejimi Hindistanda təlimlərini başa vurduqdan sonra ölkəyə qayıdan bir qrup əfqan hərbi kursantı üçün hava limanında səmimi qarşılanma mərasimi təşkil edib.

Kabilə qayıdan təxminən 20 əfqan hərbi kursantı iyunun 11-dən Dehradundakı Hindistan Hərbi Akademiyasında (IMA) təlim keçib.

Qeyd edək ki, Əfqanıstan hərbi akademiyasının 25 kursantının hamısı hələ “Taliban” hakimiyyətə gəlməzdən əvvəl Hindistana göndərilib və onlara qarşı döyüşmək öyrədilib.

Hindistanda təlim keçmiş əfqan kursantlarının “Taliban” hökuməti tərəfindən səmimi qarşılanması Kabilin Yeni Dehli ilə artan yaxınlığını əks etdirir.

Mənbələr deyir ki, “Taliban”ın rəhbərlik etdiyi Əfqanıstan hökuməti ölkədə təhlükəsizliyi qorumaq üçün bu kursantların bacarıqlarından istifadə etmək istəyir.

Fevralın əvvəlində “Taliban” tərəfindən əfqan təhlükəsizlik işçilərinin saxlanması və edam edilməsi xəbərləri fonunda Hindistanın Müdafiə Nazirliyi Hindistanın müxtəlif hərbi təhsil müəssisələrindən olan 80-ə yaxın əfqan kursantının uzun müddətli qalmasına şərait yaradıb.

Hindistan onlara Hindistan Texniki və İqtisadi Əməkdaşlıq Proqramı çərçivəsində 12 aylıq ingilis dili kursu da ayırıb.

Bu, həm də əfqan kursantlarının ölkələrinə qayıtmaqdan imtina etməsindən sonra baş verib. Bəziləri Hindistan, ABŞ və digər Qərb ölkələrindən sığınacaq istəyib.