Ermənistanda siyasi fəaliyyətlə məşğul olan tanınmışlar silahlı dəstələr yaradaraq, Azərbaycanla sərhəddə yerləşməyə başlayıblar. TEREF.AZ JAMAZ.İNFO-ya istinadla xəbər verir ki, srağagün gecə törətdikləri təxribatdan nəticə çıxarmayan və xeyli sayda itki verən düşmənin belə davranmasında qəribə bir şey yoxdur.

Çünki onlar əllərinə fürsət düşən kimi Azərbaycana qarşı döyüşməkdən, təxribatlardan əl çəkmək fikrində deyillər.

Qeyd edək ki, dünən gecə saatlarında başlayan döyüşlərdən dərhal sonra Gorusun meri Aruş Aruşanyan könüllü adı altında silahlı dəstə yaradaraq, Azərbaycanla sərhəd məntəqələrinə yola düşüb.

Bildirək ki, Aruşanyan 44 günlük müharibə vaxtı da silahl dəstə yaradaraq, Azərbaycana qarşı döyüşlərdə iştirak edib. Amma nə hikmətdirsə, onun dəstəsini nə döyüşlərdə görmək mümkün olmayıb, nə də hər hansı “qəhrəmanlıq”ından bəhs olunur. Görünür, səngərdə başını qorumaqla məşğul olub.

Bu gün isə Aruşanyana daha bir siyasətdi qoşulub. JAMAZ.İNFO xəbər verir ki, həmin şəxs “Birliyə Doğru” Alyansının rəhbəri Manvel Parmazyandır. O, bu gün başına bir qrup başıpozuq adam yığaraq, onları silahlandırıb və ardından da Azərbaycanla sərhəddə gediblər.