Ukrayna Prezident Ofisi başçısının müşaviri Mixail Podolyak proqnoz edib ki, 2022-ci ilin payızı Putin rejimi üçün sonuncu olacaq.

Bu barədə o, özünün «Tvitter»ində yazıb («UNİAN»).

«Sonuncu payız… Rusiya «monarxiyası» üçün» - Prezident Ofisi müşaviri yazıb. Öz fikrini o, belə arqumentləşdirib ki, NATO aktiv olaraq genişlənir, Ukrayna effektli və miqyaslı əks-hücumlar edir.

«Özbəkistanda ŞƏT sammitində sən tənha olaraq durmusan. Ona görə ki, dünənki müttəfiqlər sürətlə Çinin orbitinə keçiblər… Sonda həmişə hesablar üzrə ödəniş etmək lazım gəlir» - Podolyak fikrini yekunlaşdırıb.

Bundan əvvəl xəbər verildiyi kimi, Özbəkistanda ŞƏT-nın qeyri-formal söhbətlərində Rusiya Prezidenti Vladimir Putini və onun «həmkəndlisi» Aleksandr Lukaşenkonu hiss olunacaq qədər diqqətdən kənarda qoyublar. Səmərqənd küçələrində sammit iştirakçılarının gəzinti videosunda isə Putin ümumiyyətlə, görüş dairəsindən kənarda qalıb.