Rusiya prezidenti Vladimir Putin Ukraynada müharibə etmək niyyətini dəyişmək məcburiyyətində qalacaq, çünki hərbi məğlubiyyət və resursların çatışmazlığı Kremlin ilkin niyyətlərinə nail ola bilmədiyini sübut edir.

Xarici mətbuat xəbər verir ki, bunu Pentaqonun kəşfiyyat rəhbəri general-leytenant Skott Berrier kəşfiyyat və daxili təhlükəsizlik üzrə konfransda deyib.

"İndi biz o yerə çatmışıq ki, fikrimcə Putin öz "əməliyyatı"nın məqsədini yenidən nəzərdən keçirməli olacaq. Çünki indi tamamilə aydındır ki, o əvvəllər etmək niyyətində olduğunu həyata keçirməyə qadir deyil", - Berrier əlavə edib.

Pentaqon xatırladıb ki, Putin fevralın 24-də Kiyevi işğal etmək və qərbyönlü hökuməti devirmək məqsədi ilə Ukraynaya hücum edib. Halbuki, altı ay davam edən döyüşlərdən sonra Ukrayna qoşunları rus qoşunlarını Xarkovdan qovmağa müvəffəq olub./azvision.az