Amerika ordusu Çin donanması gəmisinin Amerika hərbi gəmisinə yaxınlaşaraq “təhlükəli” manevr etdiyini açıqlayıb. Amerika donanmasının yaydığı görüntülərlə Vaşinqton-Pekin xəttindəki gərginlik bu dəfə daha da artıb.

Editor.az xarici mediaya istinadən bildirir ki, bu barədə ABŞ-ın Hind-Sakit Okean Komandanlığı məlumat yayıb.

Məlumata əsasən, ABŞ və Kanada donanmaları 3 iyun şənbə günü Tayvan boğazında birgə təlim keçirib. Qeyd olunub ki, Amerika esmines gəmisi və Kanada freqatı beynəlxalq hüquq normalarına uyğun olaraq boğazdan keçib.

Çin donanmasına aid döyüş gəmisinin 137 metrə yaxınlaşaraq Amerika gəmisinin yolunu kəsdiyi, Amerika gəmisinin isə mümkün toqquşmadan qaçmaq üçün sürəti azaltdığı bildirilib.