Apple cihazlarının təqdimat və reklamlarında bir detala həmişə rast gəlmək olur: iPhone və iPad modellərində ekran saatı 09:41-ə ayarlanır. Foodinfo.az bildirir ki, bu təsadüfi deyil, şirkətin illərdir davam etdirdiyi simvolik və strateji yanaşmadır.
İqtisadiyyat.az xarici mediaya istinadla xəbər verir ki, Apple-ın proqram təminatı şöbəsinin keçmiş rəhbəri Skott Forstall bu detalın səbəbini belə izah edib:" Şirkət yeni məhsullarını təqdimatların təxminən 40-cı dəqiqəsində təqdim etməyi planlaşdırır. Saatın 09:41 olaraq seçilməsi də əsasən buna uyğundur" .

İlk iPhone-un təqdimatının isə 09:42-də baş verdiyi məlumdur. Steve Jobs təqdimat zamanı vaxtdan bir qədər geri qalaraq cihaza 1 dəqiqə gec çatmışdı. Bu səbəbdən də bir neçə il ərzində iPhone reklamlarında saat 09:42 göstərilmişdi.

Ancaq 2010-cu ildə təqdim olunan ilk iPad modelində hər şey plan üzrə getdi. Jobs cihazı məhz 09:41-də təqdim etdi. O vaxtdan etibarən bütün reklam və təqdimatlarda saat bu zamana uyğunlaşdırıldı.

Apple-ın bu qərarı həm marka vizual bütövlüyü, həm də nostalji yanaşması ilə əlaqələndirilir. Bu gün də keçirilən bütün tədbirlərdə Apple məhsullarının ekranında 09:41 yazılması bu ənənənin davam etdiyini göstərir.