ABŞ-ın keçmiş prezidenti Donald Tramp Pentaqonun artilleriya sursatlarının çatışmazlığını dünyaya elan edən hazırkı dövlət başçısı Co Baydeni sərt tənqid edib.

Teleqraf.com xəbər verir ki, Tramp bu barədə “Fox News” telekanalına müsahibəsində deyib.

Onun sözlərinə görə, hazırda nüvə silahından istifadə risklərinə görə ABŞ tarixində ən təhlükəli dövrdür və prezident postunu hərəkətini başa düşməyən adam tutur.

“Durub dünyaya silahlarımızın tükəndiyini deyən adam...” - Tramp əlavə edib.

O, iddia edib ki, səlahiyyət müddəti başa çatanda ABŞ-dakı hərbi anbarlar ağızına qədər dolu imiş.

“Hər şeyi tükəndirdinsə, bu, dəhşətlidir. Daha betəri bu barədə bütün dünyaya danışmaqdır. Necə axmaq olasan ki, belə bir şeyi deyəsən...", - Ağ Evin keçmiş rəhbəri bildirib.