Fransız bəstəkarı Julyen Qotye Kanadaya - Alyaskaya mədəni layihə çərçivəsində səyahət zamanı ayının hücumuna məruz qalıb.

Bu barədə "Report" "France Musique" saytına və "Le Parisien"ə istinadən xəbər verir.

Bildirilir ki, musiqiçi yırtıcının hücumu zamanı aldığı çoxsaylı xəsarətlərdən həlak olub.

İlkin məlumata görə, hadisə avqustun 15-də, gecə saatlarında baş verib. Yırtıcı çadırda yatan Qotyeni tutub və meşəyə aparıb. Onun parçalanmış meyiti növbəti gün aşkarlanıb.