Cənubi Kiprə silah embarqosu ləğv edilməsi üzrə ilk addım atılıb.

NTV xəbər verir ki, bu barədə qanun layihəsi ABŞ Nümayəndələr Palatası tərəfindən qəbul edilib.

Bundan başqa, ABŞ-ın Türkiyəyə F-35 qırıcı təyyarələrinin satışının dayandırılması qanun layihəsində yer alıb.

Bu addımın Türkiyənin Rusiyadan S-400 zenit-raket kompleksi almasına cavab olaraq atıldığı ehtimal edilir.

Qanunun qüvvəyə minməsi üçün daha iki mərhələ qalıb. Öncə layihə Senatda qəbul edilməli və sonda ABŞ Prezidenti Donald Tramp tərəfindən imzalanmalıdır.

Qeyd edək ki, ABŞ 1987-ci ildən etibarən Cənubi Kiprə silah satışını qadağan edib.