Dünyanın ən kiçik ölkəsi olan Vatikanın tarixində bir çox faciəli sirlər var. Bunların əksəriyyətindən dünya əhalisi xəbərsizdir. Məsələn, Vatikanın nasistlərə kömək etdiyini və Holokostdan pul qazandığını bilirdinizmi?

TNS-in tarixi mənbələrə istinadən məlumatına görə, Vatikan Roma Katolik Kilsəsi sayəsində xristian dünyasında böyük əhəmiyyət kəsb edir. Lakin onun tarixi qaranlıq sirlərlə doludur.

Vatikan Holokost zamanı yəhudiləri təqib edərək pul qazanıb

Vatikanın necə pul qazandığı başqa bir sirr olaraq qalır. Bununla belə, Vatikanın rolu müttəfiq qüvvələrin işğalının qarşısını almaq üçün nasistlərə kömək etməklə məhdudlaşmırdı. Vatikan da nasistlərə oğurlanmış əmlakı qorumağa kömək edirdi. Həmin əmlak konsentrasiya düşərgələrinə düşdükdən sonra bahalı və qiymətli əşyalarından imtina etmək məcburiyyətində qalan yəhudi ailələrinə məxsus idi.



Sonradan məlum olub ki, Vatikan Bankının təsisçisi məxfi agent olub. O, oğurladığı əmlakı və bahalı ailə ləl-cəvahiratlarını İtaliya sığorta şirkətlərinə yatırmağı planlaşdırıb.

Vatikan Bankı

Vatikan Bankı kimi tanınan Dini İşlər İnstitutu daim qalmaqalların mərkəzindədir. Bu qurum İkinci Dünya Müharibəsi zamanı - 1942-ci ildə müttəfiqlərin maliyyə əməliyyatlarına qoyduğu məhdudiyyətlərdən qaçmaq məqsədilə yaradılmışdı.



İtaliya müttəfiqlərə qarşı çıxan güclərdən biri olduğundan, pulun düşmənlərinə çatmasını istəmirdilər. Yarandıqdan qısa müddət sonra Vatikan Bankı hər hansı xarici təsirdən azad olan ən yaxşı ofşor bank kimi tanınıb. Nasistlər Vatikan bankından öz məqsədləri üçün istifadə ediblər.

1970-ci illərdə Vatikan Bankı mafiya əməliyyatları vasitəsilə 900 milyon dollar dəyərində istiqrazlar əldə edib.

Vatikanın baş ekzorsisti şeytanları qovmaq üçün 160.000-dən çox ayin yerinə yetirib

2018-ci ildə Vatikanın dünyanın hər yerindən 250 keşişi illik "şeytançıxarma məktəbinə" dəvət etdiyini bilirdinizmi? Dünya elminin müasir inkişaf mərhələsində belə, Katolik kilsəsi şeytançıxarma təcrübəsindən əl çəkmir.



Məlum olub ki, Vatikanın baş ekzorsisti Qabriel Amort bütün həyatı boyu 160 minə yaxın "şeytançıxarma" əməliyyatı həyata keçirib. Həmin əməliyyatlarda hətta papaların özləri də iştirak edirdi. "Şeytan çıxarma" bu günə qədər tətbiq olunur. Papa Fransisk cinlərdən əziyyət çəkən insanlara "bir şeytan çıxaranla əlaqə saxlamağı" tövsiyə edir.

Vatikan nasistlərə müttəfiq qüvvələrdən qaçmağa kömək edib

İkinci Dünya Müharibəsindən sonra alman nasistləri artıq Avropada qala bilməyiblər. Onların bəziləri məhkəmədən yayına bilib, bəziləri isə məhkəmə qarşısına çıxarılıb. Alman nasistlərinin əksəriyyəti Avropadan qaçmaq üçün "siçovul izləri" kimi tanınan marşrutdan istifadə ediblər.

Vatikanın Müttəfiq qüvvələrdən qaçan nasistlərə dəstək göstərməsi haqqında məlumatlar var. Nasistlərin qaçdığı yol İtaliya və İspaniyaya aparırdı. Vatikanın nasistləri dəstəkləməsi labüd idi. Çünki o, xristianlığın dirçəlişinə can atırdı. İlkin olaraq müharibədə neytrallığını elan etməsinə baxmayaraq, Sovet İttifaqının gücünün artmasını istəmirdi.

Vatikan digər ölkələrdən daha çox şərab istehlak edir

Statistika göstərir ki, Vatikan sakini orta hesabla ildə təxminən 75 litr şərab istehlak edir.



Bu məbləğ Böyük Britaniya sakininin şərab istehlakından 3 dəfə, ABŞ-ın orta sakininin 6 dəfə, Fransa və İtaliyanın orta sakinlərinin şərab istehlakından 2 dəfə çoxdur.

Günahlar səltənəti

BBC-nin məlumatına görə, həm ərazisinə, həm də əhalisinə görə dünyanın ən kiçik ölkəsi olan Vatikan dünyada ən yüksək cinayət nisbətinə malikdir. Vatikan müqəddəs yer sayılsa da burada cinayət nisbəti İtaliyadakı cinayət nisbətindən 20 dəfə çoxdur.



Lakin cinayətlərdə papalar və isveçrəli mühafizəçilər deyil, daha çox turistlər iştirak edir.

Vatikan çirkli siyasət yuvasıdır

"Zati-müqəddəsləri" - Papa XVI Benediktin məxfi sənədləri əsasında yazılmış kitabdır. Sənədləri 2012-ci ildə italyan jurnalist Canluici Nutsi nəşr etdirib. Onları Nutsiyə Papanın xidmətçisi çatdırmışdı. Həmin sənədlər Vatikanın çirkli siyasətin və xəyanətin yuvası olduğunu deməyə əsas verir. Bu qalmaqal tarixdə "Vatileaks" adı ilə əbədiləşib.



Papa Benediktin bu qalmaqalların yaratdığı stress səbəbindən istefa verdiyi güman edilir.

Beləliklə, Vatikanın haqda bilmədiyimiz çox şey var. Vatikanın qaranlıq sirləri lazımi şəkildə araşdırılmadıqcada onlar yeddi qıfıl altında qalacaq.