Beynəlxalq bir qrup alim "Hubbl" kosmik teleskopunun məlumatları vasitəsilə Süd Yolu qalaktikası boyunca qeyri-adi yüksək sürətlə hərəkət edən unikal maqnetar SGR 0501+4516-nı aşkar edib. Bu obyekt ulduzların formalaşması ilə bağlı ənənəvi təsəvvürlərə meydan oxuyur.

32gun.az bildirir ki,bu Tədqiqat "Astronomy & Astrophysics" (A&A) elmi jurnalında dərc olunub.
Maqnetarlar - super sıx ulduz qalıqları - adətən ifrat yeni ulduz partlayışları zamanı yaranır. Lakin "Hubbl" və "Gaia" kosmik aparatının köməyi ilə izlənilən SGR 0501+4516-nın trayektoriyası göstərdi ki, o, heç bir məlum ifrat yeni ulduz qalığı ilə əlaqəli deyil.

Alimlər SGR 0501+4516-nın mənşəyi üçün iki variant nəzərdən keçirirlər: neytron ulduzlarının birləşməsi və ya ikili sistemdə ağ cırtdanın kollapsı...

Niderlanddakı Radbud Universitetindən tədqiqatın həmmüəllifi Endryu Levan izah edib: "Əgər ağ cırtdan öz yoldaş ulduzundan həddindən artıq maddə udarsa, o, ifrat yeni ulduz mərhələsini keçərək maqnetara kollaps edə bilər."
Bu kəşf, mənşəyi hələ də sirr olaraq qalan güclü kosmik "siqnallar" - sürətli radio parıltılarının təbiətini anlamaq üçün xüsusilə dəyərlidir.
Qeyri-ənənəvi yolla yaranmış maqnetarlar, kütləvi ulduzların çoxdan yox olduğu qədim ulduz populyasiyalarında baş verən parıltıları izah edə bilər.