İran Qərb ölkələrinin sanksiyaları bərpa etməsinə cavab olaraq Nüvə Silahlarının Yayılmaması Müqaviləsindən tamamilə çıxmaq üçün fövqəladə qanun layihəsi hazırlamağa başlayıb.

Bu barədə 90-cı Maddə Konstitusiya Komissiyasının sədr müavini Hüseynəli Hacı Deliqani "Tasnim"ə müsahibəsində bildirib.

Onun sözlərinə görə, qanun layihəsi avqustun 29-da parlament sistemində qeydiyyata alınacaq və gələn həftə plenar iclaslarda baxılacaq.

Xatırladaq ki, İran parlamentinin 90-cı Maddə Komissiyası bütün dövlət qurumlarının fəaliyyətində qanunlara və Konstitusiyaya əməl olunmasına nəzarət edən xüsusi nəzarət orqanıdır.