Cari ilin yanvar-iyun aylarında hava nəqliyyatı vasitəsi ilə 1 milyon 861,1 min sərnişin daşınıb.

Valyuta.az xəbər verir ki, ötən ilin eyni dövründə isə 1 milyon 814.3 sərnişin daşınıb. Bu ötən ilin eyni dövrü ilə müqayisədə sərnişin daşınmasında 46,8 min və ya 2,6% artım deməkdir.
Onun 1 milyon 518,9 min sərnişin beynəlxalq, 342,2 min isə daxili olub.

Belə ki, bu dövr ərzində hava nəqliyyatı ilə sərnişin daşınmasından 869 milyon 404,3 min manat gəlir əldə olunub.
Bunun 831 milyon 301,1 min manatı beynəlxalq, 38 min 103,2 min manatı isə daxili daşınmadan əldə olunub.

Ötən ilin eyni dövründə sərnişin daşınmasından əldə olunan gəlirlər 899 milyon 711,6 min manat təşkil edib.
Beləliklə, illik müqayisədə sərnişin daşınmasından əldə olunan gəlirlərdə 30 milyon 307,3 min manat və ya 3,36% azalma olub.