Aralıq dənizini "əjdahalar" istila edib: Onlara toxunmaq təhlükəlidir
Bu gün, 16:18
Ötən həftə İspaniya hakimiyyəti "kiçik əjdahaların" dəniz sularında yayılması səbəbindən bir neçə çimərliyi bağlamalı olub. Tədqiqatçılar qeyd edirlər ki, bu canlılara toxunmaq təhlükəli ola bilər.
Bu barədə "Science Alert" yazır.
Məlumata görə, "kiçik əjdahaları" bəzən "mavi mələklər" də adlandırırlar. Bu rəngarəng canlılar Aralıq dənizində nadir görülən və tədqiqatçıları narahat edən mənzərədir.
3 santimetrlik "əjdahalar"ın zəhərli olduğu bilinir. Onlara toxunmaq qızartı, iltihab, ağrı, ürəkbulanma, qusma və ağır allergik reaksiyaya səbəb ola bilər.
Mavi dəniz "əjdahalarının" niyə adi yaşayış yerlərindən uzaqda, İspaniya sahillərində görünməsi hələ də məlum deyil. Buna səbəb kimi iqlim dəyişikliyinin rol oynadığı güman edilir.