Sabirabad rayon Nəriman Nərimanov adına 2 saylı beynəlmiləl təbiət və texniki fənlər təmayüllü məktəb liseydə "Qarabağ uşaqların gözü ilə" videoçarx müsabiqəsi keçirilir. Gundeminfo.az-a daxil olan məlumata əsasən hazırlanmış ilk videoçarx Sabirabad rayon Cavad kəndindən olan şəhid Elgiz Abbaslıya həsr edilib.

Məktəb-liseyin IX sinif şagirdi Zakir İsmayılzadə (operator və montaj) və VIII sinif şagirdi Mehin Qəhrəmanlının hazırladıqları videoroliki təqdim edirik:



Gundeminfo.az bildirir ki, 1998-ci ilin mayin 21-də Sabirabad rayon Cavad kəndində anadan olan Elgiz Abbaslı İkinci Vəsən Savaşında xüsusi qəhrəmanlıq göstərək Cəbrayıl uğrunda gedən döyüşlərdə qəhrəmancasına şəhid olub.

Azərbaycan Ordusunun əsgəri olan Elgiz Abbaslı 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində savaşıb. Elgiz Abbaslı oktyabrın 10-da şəhid olub.
Şəhid Elgiz Abbaslının doğum gününə ithaf -
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Elgiz Abbaslı ölümündən sonra "Vətən uğrunda" və "Cəbrayılın azad edilməsinə görə" medalları ilə təltif edilib. Mayın 21-də Sabirabad rayon Cavad kəndində Şəhidlərin xatirə kompleksinin açılış mərasimi keçiriləcək.

Qeyd edək ki, Elgiz Abbaslı Sabirabad rayon Nəriman Nərimanov adına 2 saylı beynəlmiləl təbiət və texniki fənlər təmayüllü məktəb liseyin məzunu olub.