Azərbaycan və Rumıniya dövlətləri arasındakı əlaqələrinin, dostluq münasibətlərinin tarixi kökləri mövcuddur. Rumıniya Azərbaycanın dövlət müstəqilliyini 11 dekabr 1991-ci ildə rəsmi şəkildə tanımışvə iki ölkə arasında diplomatik əlaqələr 19 iyun 1992-ci il tarixində yaradılmışdır. Dövlətlərimiz arasındakı əməkdaşlıq və dostluq münasibətləri bu gündə davam edir.
2 fevral tarixində ölkəmizə səfər edən Rumıniya Prezidenti Klaus Yohannisin Azərbaycan Respublikasının Prezidenti İlham Əliyevlə görüşü olmuş və görüş sonrası hər iki Prezident mətbuata bəyanatlarla çıxış etmişlər.
Çıxışı zamanı Prezident İlham Əliyev Rumıniya Prezidentini səmimiyyətlə salamlayaraq bir ay öncə Buxarestdə olan görüşdən sonra Prezidenti Klaus Yohannisin Azərbaycana rəsmi səfərə gəlməsindən şad olduğunu bildirmiş və bu səfərin ölkələrimiz arasında yüksək səviyyəli siyasi dialoqün çox fəal olmasının və müzakirə olunan məsələlər hər iki ölkənin maraqlarına cavab verməsinin göstəricisi olduğunu, Rumıniya və Azərbaycanın uzun illər ərzində əlaqələrini strateji tərəfdaşlıq əsasında inkişaf etdirdiklərini, strateji tərəfdaşlığa dair əhəmiyyətli sənəd imzalandığını qeyd etmişdir.
Bir çox əhəmiyyətli məsələlərə toxunan Prezident İlham Əliyev bildirmişdir ki, bu gün müzakirə olunan və həll etdiyimiz məsələlər doğrudan da strateji əhəmiyyət daşıyır. Siyasi əlaqələrimiz çox yüksək səviyyədədir və qarşılıqlı səfərlər bunu bir daha göstərir.
Ticari-iqtisadi sahələrdə əlaqələrə munasibət bildirən Prezident ticarət dövriyyəsinin iki dəfədən çox artmasına baxmayaraq hələ ki, istənilən səviyyədə olmadığını, ticarət dövriyyəmizin böyük hissəsini Azərbaycandan Rumıniyaya ixrac edilən xam neft təşkil etdiyini söyləyərək, ticarət dövriyyəmizin şaxələndirilməsi üçün əlavə addımlar atacağına və hökumətlərarası komissiyanın da fəaliyyətində bu məsələyə diqqət ediləcəyinə ümid etdiyini bildirmişdir.
Könül Əfəndiyeva – YAP üzvü
Teref.az