Jelatin uşaqlar üçün ümumiyyətlə təhlükəsiz qida maddəsi hesab olunur, lakin onun keyfiyyəti və miqdarı vacib rol oynayır. Təhlükəsizlik baxımından jelatin barədə bəzi məqamlara diqqət etmək lazımdır. Foodinfo.az xəbər verir ki, jelatin heyvanların dəri, sümük və qığırdaqlarından əldə edilən təbii bir zülaldır. Tərkibində kollagen olduğu üçün oynaqlar, dəri və saç üçün faydalı ola bilər. Əgər yüksək keyfiyyətli və təbii jelatin istifadə edilirsə, uşaqlar üçün zərərsizdir. Mağazalarda satılan rəngli və dadlandırılmış jelatin məhsullarına süni rənglər, aromatlar və şəkər əlavə olunur. Bu maddələr uşaqlarda allergiya, hiperaktivlik və hətta mədə problemləri yarada bilər. Belə məhsullardan uzaq durmaq məsləhətdir. Təbii jelatin isə uşaqların həzm sisteminə müsbət təsir göstərə bilər. O, bağırsaq florasını dəstəkləyir və həzmi asanlaşdırır. Jelatinin çox miqdarda istehlakı bəzi uşaqlarda mədə narahatlığı yarada bilər. Həddindən artıq şəkərli və işlənmiş jelatin məhsulları uşaqlar üçün zərərlidir.