Rusiya təyyarəsi Misirin Sinay yarımadasında qəzaya düşüb.
Axar.az xəbər verir ki, bu barədə informasiyanı Rusiya mətbuatı yayıb. Qəzaya düşən təyyarə Şarm əş Şeyx şəhərindən Sankt-Peterburqa uçuş həyata keçirib.
İlkin məlumatlara görə, təyyarənin göyərtəsində 212 adam olub. Ölən və yaralananlar haqqında heç bir məlumat verilmir.
***
11:40
Misirdə qəzaya düşən Rusiya sərnişin təyyarəsinin qalıqları tapılıb.
Bu barədə Misirin “Youm7” saytı məlumat yayıb.
Saytın məlumatına görə, Misir təhlükəsizlik qüvvələri qəza baş verən ərazini nəzarətə götürüblər. Qəza yerinə 20-yə yaxın təcili tibbi yardım maşını göndərilib.