Yeni evlənmiş Mozambikli sənətçi Ana Barbara bal ayını keçirmək və eyni zamanda reklam anlaşması üçün getdiyi Türkiyədə dünyasını dəyişib.

Tribunainfo.az Türkiyə mediasına istinadən xəbər verir ki, gəlin bal ayı ilə yanaşı reklam anlaşması üçün İstanbulda yerləşən özəl “Tusa Hospital”da yağ aldırma (liposaksiya) əməliyyatı üçün də anlaşıb.
İddialara görə, Ana Barbara xəstəxana ilə əməliyyat qarşılığında reklam-tanıtım əməkdaşlığı barədə razılığa gəlib. Lakin əməliyyat zamanı gözlənilməz fəsadlar baş verib – gənc sənətçinin ürəyi dayanıb və onu xilas etmək mümkün olmayıb.

Dünyasını dəyişən müğənninin həyat yoldaşı bildirib ki, həkim onları əmin edib ki, hər şey yolunda gedəcək. 90 dəqiqə ərzində Annaya müdaxilə edilsə də, onu geri qaytarmaq mümkün olmayıb.