İranla İsrail arasında müharibə şiddətləndikcə şahın oğli Rza Pəhləvi də fəallaşmağa başlayıb.

Tribunainfo.az xəbər verir ki, o, dünən açıqlama yayaraq, İran əhalisini molla rejiminə qarşı qiyama səsləyib.

Pəhləvi həmçinin İrandakı rejim mənsublarına da müraciət edib. O deyib ki, İranda yaşayan xalqlara hörmət əlaməti olaraq, Xamineyi və digər mənsublar istefa verməlidir.

Dünən isə məlum olub ki, şahın oğlu ABŞ konqresinin üzvləri ilə görüşlər keçirməyə başlayıb. Müzakirələr əsasən molla rejiminin getməsindən sonra atılacaq addımlardan ibarət olub. Pəhləvi həmçinin keçid dövrü üçün planını təqdim edib.