ABŞ-ın Kaliforniya əyalətində koronavirusvirusun yeni növü aşkar edilib.

Cebhe.info xəbər verir ki, bu Kaliforniya San Fransizko Universiteti tədqiqat qrupunun 1 sentyabr 2020 - 29 yanvar 2021-ci il tarixlərində əyalətin 44 bölgəsindən 2 min 172 test nümunəsi üzərində apardıqları araşdırma nəticəsində müəyyənləşib.

"B.1.427 / B.1.429" və ya "20C / L452R" adlanan yeni növün ilk olaraq, İngiltərə və Cənubi Amerikada ortaya çıxan COVİD-19 variantlarından fərqli mutasiya modeli olduğu qeyd edilib. Bildirilir ki, virusun Kaliforniya növü daha təhlükəli və daha yoluxdurucudur.

Qeyd edək ki, Kaliforniya 3 milyon 543 mindən çox yoluxma və 50 minə yaxın ölüm ilə ölkədə virusdan ən çox təsirlənən ştatdır.