Tanınmış fransız diplomatı və həkimi Bernar Kuşner də Azərbaycanın dövlət sərhədini pozaraq Qarabağa gəlib.

Moderator.az xəbər verir ki, bu haqda Ermənistan ictimail radiosu məlumat yayıb.

Öncə İrəvanda qondarma 1915-ci il “erməni soyqırımı” abidəsini ziyarət edən Kuşner daha sonra Rusiya hərbçilərinin yaratdığı şərait sayəsində Laçın dəhlizindən keçərək Xankəndinə gəlib. Xankəndində fransız həkim Britaniyanın lordlar palatasının ermənipərəst üzvü Baronessa Koksun adını daşıyan reabilitasiya mərkəzinə baş çəkib və yaralı işğalçı erməni hərbçiləri ilə görüşüb.

Xatırladaq ki, yəhudi əsilli B.Kuşner 2007-2010-cu illərdə Fransanın xarici işlər naziri işləyib.

O, 1971-ci ildə "Sərhədsiz həkimlər" humanitar(?) təşkilatının əsas yaradıcılarından biri olub.