Böyük Britaniya Ukraynanı özünümüdafiə üçün yüngül tank əleyhinə müdafiə silahları ilə təmin edəcək.

“Report” xəbər verir ki, bunu Böyük Britaniyanın müdafiə naziri Ben Uolles ölkə parlamentində çıxışı zamanı deyib.

Onun sözlərinə görə, silah strateji xarakter daşımır və Rusiya üçün təhlükəli deyil: “Silahlar özünümüdafiə üçün nəzərdə tutulub”.

Qeyd edək ki, bir müddət əvvəl Litva, Latviya və Estoniya müdafiə nazirlərinin üçtərəfli görüşündə Baltikyanı ölkələrin Ukraynaya müxtəlif yardımlar göstərəcəyi ifadə edilmişdi.