Son günlər Qərb mətbuat orqanlarında Rusiya prezidenti Vladimir Putin və onun ailəsi, yaxın ətrafı ilə bağlı kompromatlar yayılacağı haqda məlumatlar dərc olunub. Rusiya prezidentinin mətbuat katibi Dimitri Peskov bu barədə danışaraq, yayılması gözlənilən kompromatlarda məqsədin “Rusiyada sabitliyi pozmaq” olduğunu deyib. O, daha sonra bildirib ki, Kreml yeni yaranmış vəziyyəti diqqətlə izləyir.

Jurnalist araşdırmaları üzrə beynəlxalq konsorsium Rusiya prezidentinin adminstrasiyasına Putinin ailəsinin və yaxın ətrafının biznesi ilə bağlı suallar göndərib. Peskov hesab edir ki, Qərbin məqsədi Rusiyada vəziyyəti gərginləşdirmək, ölkə rəhbərliyini və ilk növbədə Putini nüfuzdan salqamdır.