“Müxalifət Ukraynada müharibənin uğursuz başa çatacağı təqdirdə Rusiyanın qərb ərazilərinin respublikaya birləşdirilməsi ilə bağlı danışıqlar aparır. Belarus müxalifəti bu məqsədlə Qərb siyasi dairələri ilə intensiv təmasdadır”.

KONKRET.az xəbər verir ki, bu barədə sensasion açıqlamanı Belarus prezidenti Aleksandr Lukaşenko edib.

“Bu gün Qərbdə hamı bunu istəyir. Bizim Avropadakı mühacirlər isə Rusiyanın Ukraynada məğlubiyyətini fürsət kimi dəyərləndirirlər”, – deyə o bildirib.

Lukaşenko eyni zamanda xaricdəki müxalifətlə Qərbdəki ayrı-ayrı şəxslər arasında aparılan danışıqlardan bir parçaya istinad edib:

“Polşanın Belarusun qərb torpaqları üzərində hüququ var. Rusiyanın məğlub olacağı təqdirdə Belarus Rusiya torpaqları hesabına böyüyəcək. Smolensk, Bryansk, bəlkə də Pskov vilayətlərindən söhbət gedir”, – deyə dövlət başçısı bildirib.