“İsrailin Qəzzadakı hərəkətlərini tənqid etmək HƏMAS ilə danışıqlara zərər verməyəcək”

ABŞ-ın vitse-prezidenti Kamala Harrisin ofisi hesab edir ki, onun İsraili tənqid etməsi, yəni Qəzza zolağındakı hərəkətləri ölkənin Fələstinin HƏMAS hərəkatı ilə apardığı danışıqlara zərər verməyəcək. AYNA xəbər verir ki, bu barədə CNN Harrisin köməkçisinə istinadən məlumat yayıb.

"Vitse-prezident Harrisin ofisi yüksək səviyyəli bir İsrail rəsmisinin vitse-prezidentin cümə axşamı İsrailin HƏMAS ilə müharibəni sərt şəkildə tənqid etdiyi şərhinin atəşkəs razılaşmasının əldə olunmasını çətinləşdirə biləcəyinə dair iddiasını rədd etdi", deyə bildirib.

Qeyd olunub ki, təkzib adı açıqlanmayan yüksək rütbəli İsrail rəsmisinin Harrisin sözlərinin sülh danışıqlarına zərər verə biləcəyini etiraf edən “Times of Israel” qəzetinə açıqlamasından sonra edilib.

Bundan əvvəl Harris İsrailin Baş naziri Benyamin Netanyahu ilə görüşdən sonra onu Fələstinin HƏMAS radikal hərəkatı ilə Qəzza zolağında atəşkəslə bağlı ən qısa zamanda saziş bağlamağa çağırıb. Bundan sonra Netanyahu ABŞ vitse-prezidenti Kamala Harrisin görüşdən sonra verdiyi bəyanatdan məyus olduğunu bildirib.

Müəllif: Ayna.az