Cari ilin birinci yarısında Avropa İttifaqının (Aİ) elektrik enerjisinin böyük hissəsi ilk dəfə olaraq külək və günəş enerjisinin hesabına istehsal olunub.

İndex.az xəbər verir ki, elektrik enerjisi istehsalında qalıq yanacaqların payı cəmi 27% təşkil edib.

Beləliklə, külək və günəş enerjisi ilin birinci yarısında Aİ-də ilk dəfə olaraq qalıq yanacaqlardan daha çox elektrik enerjisi istehsal edib.

Almaniya, Belçika, Macarıstan və Niderland da daxil olmaqla 13 Aİ ölkəsində külək və günəş enerjisi artıq qaz yanacaqlarından daha çox elektrik enerjisi istehsal edir.

Bu dövrdə elektrik enerjisi istehsalında kömürün payı illik bazda 24%, təbii qazın payı isə 14% azalıb.