Ağ Ev rəsmi olaraq təsdiqləyib ki, Ukrayna Silahlı Qüvvələri Rusiya ərazisinə hücumlar üçün uzaqmənzilli ATACMS raketlərindən istifadə etmək icazəsi alıb.

Bizim.Media xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi brifinqdə bildirib.

"Onlar (Ukrayna - Red.) fövqəladə hallarda özlərini qorumaq üçün ATACMS-dən istifadə edə bilərlər", - Kirbi qeyd edib.

Onun sözlərinə görə, Ağ Ev rəhbərliyi dəyişib və Ukrayna ordusuna ATACMS-dan konkret tipli hədəflərə, o cümlədən Kursk vilayətinə və ona yaxın ərazilərə hücumlar üçün istifadənin mümkünlüyü barədə göstərişlər verib.