Fransa prezidenti Emmanuel Makron və onun administrasiyası Mişel Barnierin rəhbərlik etdiyi hazırkı hökumətin tezliklə istefasını gözləyir.

Bu barədə Le Parisien qəzeti mənbələrə istinadən yazıb.

“Hökumət yıxılacaq. O (parlamentdəki Milli Ralli fraksiyasının lideri Marin Le Pen) nə vaxtsa və düşündüyümüzdən də tez ona etimad göstərməyəcək”, - deyə mənbələr jurnalistlərə bildiriblər.

Nəşr həmçinin iddia edir ki, Makron güman edir ki, yaxın günlərdə - dekabrda Nazirlər Kabinetinə etimadsızlıq səsverməsi elan olunacaq. Bu tarixlərdə gələn ilin büdcə layihəsinə səsvermə keçiriləcək.

Artıq Barnier hökumətinə etimadsızlıq səsverməsi verilib . Oktyabrda müvafiq təşəbbüs sol blokdan olan deputatlar tərəfindən irəli sürülüb, lakin sonra Le Pen və sağçı parlamentarilər onu dəstəkləməyiblər, buna görə də səs lazımi sayda səs toplamayıb.