Fransanın paytaxtı Parisdəki Notr-Dam-de-Şamp katolik kilsəsində bir gündə iki yanğın baş verib.

"Report" xəbər verir ki, bu barədə "Figaro" hüquq-mühafizə orqanlarındakı mənbəyə istinadən məlumat yayıb.

Bildirilir ki, alov ağacdan hazırlanmış panellərə ziyan vurub. Yanğın tez bir zamanda söndürülüb, itki yoxdur.

Kilsə qeyri-müəyyən müddətə ziyarətçilər üçün bağlı qalacaq.

Bundan əvvəl isə səhlənkarlıq ucbatından kilsədə yanğın başlayıb. İlkin ehtimala görə, yanğına səbəb elektrik dövrəsində yaranan nasazlıq olub.