Kambocada 30 minə yaxın insan evlərini tərk edib
Bu gün, 12:48
Kambocanın Tailandla həmsərhəd olan Oddar Meançey əyalətində sərhəd münaqişəsinin kəskinləşməsi fonunda təxminən 30 min insan evlərini tərk edib.
Oxu.Az-ın verdiyi xəbərə görə, bu barədə "Khmer Times" qəzeti yazıb.
Bir müddət əvvəl BMT baş katibinin mətbuat katibinin müavini Stefani Trembley bildirmişdi ki, Tailandda 131 mindən çox, Kambocada isə 4 mindən çox insan evlərini tərk edib.
Xatırladaq ki, iyulun 24-də səhər saatlarında Oddar Meançey əyalətindəki mübahisəli sərhəd zonası yaxınlığında Kamboca-Tailand sərhədində silahlı toqquşmalar başlayıb.
