Rusiya HHQ Suriyanın Hələb şəhərində İŞİD və Əhrar əş-Şam döyüşçülərinin mövqelərinə aviazərbələr endirib.

“Qafqazinfo” warfiles.ru-ya istinadən xəbər verir ki, Suriya ordusu yaraqlılara yerdən hücuma keçərkən Rusiya bombardmançıları terrorçuların Dəyr Hafer şossesindəki mövqelərinə havadan zərbələr endiriblər. Əməliyyat zamanı 140-a yaxın yaraqlı öldürülüb. Hələb şəhərində döyüşlər hələ də davam edir.

Ərəb mətbuatı yazır ki, Suriya ordusuna havadan dəstəyi məhz Rusiya HHQ-i göstərir. Nəşrin məlumatına əsasən, Rusiya təyyarələri yüksək dəqiqliklə Hələbin şərqində döyüşçülərin mövqelərini məhv ediblər.

Nəşr həmçinin qeyd edib ki, bu, Rusiya tərəfindən 4 ildir ki davam edən Suriya münaqişəsinə ilk hərbi müdaxilədir.

Əməliyyat yerinə yetirildikdən sonra bütün təyyarələr Cableh şəhərindəki aviabazaya qayıdıblar. Hal-hazırda Rusiya aviasiyası Dəməşq, Latakiya və Hama vilayətlərini havadan müdafiə edir.

Suriya ordusunun baş zabiti Rusiya HHQ-nin hücumunun SAAF ilə razılaşdırıldığını bildirib. Onun sözlərinə görə, hücum zamanı komandiri ilə birlikdə “Azərbaycan tabor”u məhv edilib.