Arzu Rəhimovaya məxsus "LİMAN-PORT" MMC-nin yarım milyon manatdan çox vergi borcu üzə çıxıb - Böyük miqdarda cəriməsi də var
19-06-2025, 09:44
"LİMAN-PORT" MMC-yə vergi nəzarəti nəticəsində sanksiyalar tətbiq olunub
"LİMAN-PORT" Məhdud Məsuliyyətli Cəmiyyəti barəsində aparılan operativ vergi nəzarəti nəticəsində şirkətə ümumilikdə 132 387.39 manat məbləğində maliyyə sanksiyası tətbiq edilib.
32gun.az-ın əldə etdiyi məlumata görə, sanksiyalara səbəb pul vəsaitlərinin uçotdan gizlədilməsi və ya uçota alınmaması, habelə malların Vergi Məcəlləsində nəzərdə tutulmuş qaydada sənədləşdirilməməsi olub. Müvafiq aktlara əsasən, şirkətə 62 569.60 manat və 69 817.79 manat olmaqla iki ayrı maliyyə sanksiyası tətbiq edilib.
Əlavə olaraq, "LİMAN-PORT" MMC-nin hazırda 537 625.66 manat məbləğində vergi borcu mövcuddur. Şirkətin nizamnamə kapitalı cəmi 10 manatdır. Qanuni təmsilçi isə Arzu Rəhimova Söhrab qızıdır.
